صوص الشيكولاه :
المقادير :
مج كاكاو خام _ من عند العطار
مج لبن بارد
مج زيت
مج سكر _ ممكن مج ونص حسب الرغبه
كيس فانيليا
الكيك :
عدد 5 بيضات
كيس فانيليا
كيس بيكينج باورد
2 كوب دقيق
كوب سكر
باقى صوص الشيكولاته
و3 ملاعق سمنه او زبده سايحه
ملحوظه :
أغلب الناس بيحطوا بدل السمنه زيت عشان بتكون خفيفه اكتر لكن من الاحسن نحطلها سمنه بقرى عشان طعمها بيكون اجمل
|
| كيكه الكاكاو وصوص الشيكولاه |
طريقه التحضير :
صوص الشيكولاه
نضربهم مع بعض كويس اوى فى الخلاط
بعد ما يتجانس الخليط هناخد منه مج واحد فقط
ونحطه فى الفريزر على ما نجهز الكيك
الكيك :
نضرب البيض مع الفانيليا كويس اوى على السرعه الهاديه وبعدين بنزود السرعه تدريجيآ
بعد كده بنضيف السكر بالتدريج لحد ما يكون عامل معانا زى الكريمه
ننزل عالى الخليط ده بالسمنه وبعد كده الكميه المتبقيه من صوص الشيكولاه
بعد كده بنزل عليه الدقيق والبيكنج باورد
ولو لفيتى الكيكه مش مدياكى القوام اللى انتى متعوده عليه وبتحبيه ممكن تزودى الدقيق شويه ادهنى الصينيه بالزبده ورشى عليها الدقيق وصبى عليها الكيكه
دخليها الفرن وتكونى مسخناه من قبلها وتسيبيه على اعلى درجه حراره عندك لمده 10 دقائق وبعد كده تهدى عليها النار
بعد كده نطلع مج الصوص من الفريزر
قومى بتقطيع الحروف والاجناب والوش بتاع الكيك عشان تشرب الصوص ومايكونوش ناشفين
هاتحسى انها مفروله شويه ليه بقى عشان قطعناها وهى سخنه احنا نسبها شويه لحد ما تبرد
بعد كده نقسمها لقسمين وتدهينيا بالصوص
على فكره الصوص ده مابيتصبش ده بيكون تقيل وانتى بتدهينيه على الكيكه بالمعلقه
بعد كده نحط النصف الثانى من الكيك بعد كده بتقطعيها مستطيلات زى الجاتو وممكن نرش عليها بندق مبشور
وبالصحه والهنا :)